15 желтоқсан 2025 ж.

«Музыка және көркемдік білім» кафедрасының ұйымдастыруымен Желтоқсан оқиғасының ардагерлерімен тағылымы мол кездесу кеші өтті. Бұл кеш – тарихты ұлықтау, ерлікке тағзым ету және тәуелсіздік құнын терең сезінуге арналған маңызды рухани шара болды.
Кездесу қонақтары: Бердалиев Мурат Азимханұлы – Жамбыл облыстық «Желтоқсан-86» қоғамдық ұйымының төрағасы;

✨ Иманкулова Света Удербайқызы – төраға орынбасары;

✨ Идирисова Дариға Туймебайқызы;

✨ Мырзабеков Ермахан Ормаханұлы;

✨ Агибаева Айтжамал Қамбарзы – ұйым мүшелері.

Ардагерлер сол бір қыстың суық күндеріндегі қазақ жастарының қайсарлығы мен елге деген сүйіспеншілігін тебірене еске алды. Мурат Азимханұлы «Төртеудің соты» атты тарихи оқиғаның мән-маңызын түсіндіріп, сол сәт бейнеленген фото-картинаны мекемеге тарту етті.

Кеш барысында студенттеріміздің орындауында ән, күй, сахналық қойылым ұсынылды. Қойылымның шынайылығы соншалық – ардагерлердің көздеріне жас үйірілді.

Соңында арт-терапия арқылы қонақтар өз сезімдерімен бөлісіп, рефлексия жасады.
Бұл кездесу студенттер үшін – ұлт рухын танудың, тарихты құрметтеудің және Тәуелсіздіктің бағасын түсінудің үлкен сабағы болды.

Тәуелсіздігіміздің әр күні қымбат! Рухымыз биік, болашағымыз жарқын болсын!
Тәуелсіздігіміз мәңгілік болсын!

11 желтоқсан 2025ж.

Иззет Байсал атындағы Bolu Abant Izzet Baysal University - Түрік және әлеуметтік ғылымдар білім беру кафедрасында М.Х. Дулати атындағы Тараз университетінің қауымдастырылған профессоры А.Н. Турарова 01.12.2025-15.11.2025 аралығында академиялық ұтқырлық бағдарламасы аясында тәжірибе алмасуда.

- Университеттер арасындағы ынтымақтастықты тереңдету мақсатында TÖMER директоры Prof. Dr. Mustafa KUNDAKCI екіжақты келісімшартқа қол қойды. Бұл қадам - бірлескен ғылыми жобаларды дамытуға, академиялық ұтқырлықты кеңейтуге, оқытушылар мен студенттер арасындағы тәжірибе алмасуды жүйелеуге мүмкіндік береді.

Кафедра меңгерушісі Prof. Dr. Halit KARATAY ресми қабылдау жасап, нәтижелі әріптестік кездесуі өтті. Prof. Dr. Enver KAPAĞAN-мен бірге «Ғылыми зерттеу негіздері» пәнінен дәріс өткізілді. Сабақ барысында:

• ғылыми-зерттеу әдіснамасының теориялық негіздері;
• зерттеу процесінің кезеңдері,
• эмпирикалық деректерді жинау және талдау әдістері қамтылды.

Студенттер зерттеу құзыреттілігін дамытуға бағытталған практикалық тапсырмалар орындады.

- Академиялық ұтқырлық-білім сапасын арттырудың, халықаралық ғылыми қарым-қатынасты күшейтудің, инновациялық тәжірибелерді меңгерудің және жаһандық білім кеңістігіне интеграцияланудың маңызды тетігі. Ғылым мен білімді халықаралық деңгейде ұштастыру – болашаққа жасалған үлкен қадам!

30 қазан 2025ж.

№41 “Айналайын” бөбекжай-бақшасы, СТСО “Нұр-Әлім” балабақша-мектеп-гимназиясы, және “Жансая” бөбекжай-бақшасы бірлесіп, “100 кіші бағдарлама” аясында “Жасыл ел, жасыл балабақша” жобасы бойынша экологиялық бағыттағы семинар-практикум өткізді.
Іс-шара М.Х. Дулати атындағы Тараз университетінің “Мектепке дейінгі және бастауыш білім беру” кафедрасы мен қалалық білім бөлімімен бірлесе ұйымдастырылды.  Семинардың мақсаты: Мектеп жасына дейінгі балалардың бойында экологиялық сана қалыптастыру, табиғатты қорғауға деген сүйіспеншілігін арттыру, еңбек пен табиғатпен қарым-қатынас жасау дағдыларын дамыту. Семинардың ұйымдастырылуына зор үлес қосқан: PhD доктор, қауымдастырылған профессор, кафедра меңгерушісі Сманова Алуа Арыстановна, педагогика ғылымдарының кандидаты, қауымдастырылған профессор Кенжебаева Алима Төлеуовна. Балалардың экологиялық мәдениетін қалыптастыру - табиғатты аялаудан басталады!

21 қазан 2025ж.

2025 жылғы 14-18 қазан аралығында Алматы қаласында өткен Инклюзивті білім беру жөніндегі Бірінші Дүниежүзілік конгреске «Әлеуметтік психология» кафедрасының аға оқытушысы, «Инклюзивті білім берудегі психологиялық бейімделу» орталығының бас маманы Үсенова Сандуғаш Мейрамбекқызы қатысып қайтты!

🔹 Бұл ауқымды іс-шара аясында 10 панельдік сессияда инклюзивті білім беруге қатысты 160-қа жуық маңызды тақырып талқыланып, білім беру саласындағы озық тәжірибелер мен өзекті мәселелер сөз болды.

🔹 Конгреске әлемнің әр түкпірінен келген ғалымдар, сарапшылар мен практиктер жиналып, тәжірибе алмасуға үлкен мүмкіндік алды.

🔹 Іс-шараға 3 000-ға жуық қатысушы тіркеліп, белсенді түрде қатысып, ортақ білім кеңістігін дамытуға өз үлестерін қосты.

25 қараша 2025ж.

Ташкенттегі академиялық ұтқырлық сапары М.Х. Дулати атындағы Тараз университетінің «Педагогика және әлеуметтік ғылымдар» факультеті «Мектепке дейінгі және бастауыш білім беру» кафедрасының меңгерушісі, PhD, қауымдастырылған профессор А. А. Сманова және аға оқытушы Н. А. Шынтаева 17–28 қараша 2025 жыл аралығында Ташкент қаласындағы Мирзо Ұлықбек атындағы Өзбекстан ұлттық университетінде академиялық ұтқырлық бағдарламасы аясында іс-сапарда.

- Халықаралық ынтымақтастық проректоры Раима Ширинова ханыммен кездесуде екі университет арасындағы әріптестікті дамыту бағыттары талқыланып, академиялық ұтқырлықты кеңейту, бірлескен ғылыми жобалар жүзеге асыру, оқытушылар мен студенттердің тәжірибе алмасуын жүйелеу мәселелері көтерілді.

- «Ғылыми зерттеу негіздері» пәні бойынша магистранттарға оқу сабағы өткізіліп,
- ғылыми-зерттеу әдіснамасының теориялық негіздері,

- зерттеу үдерісінің кезеңдері,

- эмпирикалық деректерді жинау және талдау тәсілдері қарастырылды.

Магистранттардың зерттеу құзыреттілігін арттыруға бағытталған практикалық және талдамалық жұмыстар орындалды.

- Академиялық ұтқырлық – халықаралық білім кеңістігіне интеграцияланудың, ғылыми әлеуетті арттырудың және заманауи тәжірибелермен алмасудың маңызды құралы.
Алдағы уақытта бірлескен конференциялар, семинарлар мен ғылыми жобаларды жүзеге асыру жоспарлануда.

15 қазан 2025 ж.

2025 жылғы 15 қазанда М.Х. Дулати атындағы Тараз университетінде «Салауатты сана мен мәдениет: ұлттық дәстүрлер мен психологияның өскелең ұрпақ тәрбиесіне ықпалы» тақырыбында Абай Құнанбайұлының 180 жылдық мерейтойына арналған І Халықаралық ғылыми-тәжірибелік конференция онлайн және офлайн форматта өтті.

Конференция ұйымдастырушылары: М.Х. Дулати атындағы Тараз университеті, «Педагогика және әлеуметтік ғылымдар» факультеті, «Мәдениет және өнер» кафедрасы. Конференция жұмысына Қазақстан және шетелдік ғалымдар, оқытушылар мен студенттер қатысты. Шетелдік қатысушылар қатарында Түркиядағы Гелишим университетінің PhD докторы Асил Шенгүн және Өзбекстан Республикасындағы М. Әуезов атындағы Оңтүстік Қазақстан университеті филиалының ғылым және инновациялар жөніндегі проректоры, PhD докторы Бақытжан Исмаилов болды. Іс-шара аясында Абайдың рухани мұрасы, ұлттық тәрбие, психология және салауатты сананы қалыптастыру мәселелеріне арналған ғылыми баяндамалар ұсынылды. Конференцияның салтанатты ашылуы барысында «Дулати жастары» студенттік театры Абайдың Қара сөздері негізінде сахналық қойылым ұсынып, шараның рухани мазмұнын арттырды.

Құттықтау сөзбен университеттің директорлар кеңесінің төрағасы, профессор Бақтыбай Қасымбеков және ғылым және цифрландыру жөніндегі проректор Сейтжан Орынбаев сөз сөйлеп, Абай мұрасының қазіргі қоғам үшін өзектілігін атап өтті. Конференция қорытындысы бойынша қатысушыларға белсенділігі мен ғылыми үлесі үшін Алғыс хаттар мен сертификаттар табысталды.

10 қазан 2025ж. 

«Музыка және көркемдік білім» кафедрасының 4 курс студенті Кузьмина Виктория мен аға оқытушы Ж.С. Таджибаеваның жетекшілігімен «Сәндік-қолданбалы өнер» пәні аясында ерекше шеберлік сабағын өткізді.

- Сабақ барысында заманауи өнер бағыттарының бірі - флюид арт техникасы таныстырылып, студенттер өз қолымен ерекше туындылар жасады.

- Шараға ХТЧ-22-2, ХТЧ-22-3 топтарының студенттері және кафедраның қауымдастырылған профессоры м.а. Джаскиленова А.Е. қатысып, жаңа тәжірибе мен шабыт алды.

- Флюид арт - шығармашылықты еркін көрсетудің, түстер үйлесімін сезінудің ерекше әдісі. Бұл техника студенттерге бояумен жұмыс істеудің жаңа тәсілдерін меңгеруге және өнерге жаңаша көзқараспен қарауға мүмкіндік берді.

- Шара студенттердің қиялын дамытып, эстетикалық талғамын арттырған әсерлі тәжірибе болды.

06.10.2025ж.

2025 жылғы 6 қазан күні «Педагогика және әлеуметтік ғылымдар» факультетінің «Әлеуметтік психология» кафедрасының ұйымдастыруымен Сербия Республикасының Нови Сад университетінің ғалымы, педагогика ғылымдарының докторы Vasic Bibigul студенттерге арналған дәріс-семинарлар циклын бастады. Аталмыш ғылыми іс-шаралар 2025 жылғы 6 қазаннан 1 қарашаға дейін өткізіліп, педагогикалық бағыттағы студенттер мен жас ғалымдарға арналған заманауи білім беру үрдістерін терең талқылауды көздейді. Алғашқы кездесуде профессор «Мектептегі білім берудің қазіргі заманғы модельдері» тақырыбында мазмұнды дәріс өткізді. Дәріс барысында Еуропалық білім беру жүйесінің тәжірибесі, цифрлық педагогика, инклюзивті білім беру және оқыту сапасын арттырудың инновациялық тәсілдері кеңінен қарастырылды.  Студенттер мен оқытушылар профессордың терең теориялық білімі мен практикалық тәжірибесіне үлкен қызығушылық танытып, интерактивті сұхбат түрінде пікір алмасты.