Сассекс университеті (Білім және әлеуметтік жұмыс мектебі)

Британдық Кеңестің қаржыландыруымен инклюзивті ағылшын тілін оқытуға арналған үздіксіз кәсіби даму (CPD) семинарларын өткізуде.

Форматы: гибридті

Онлайн кезең: 14 қаңтар – 11 ақпан

Оффлайн сессия: 17–20 ақпан

Өтетін орындар:

Бухара мемлекеттік педагогикалық институты

Азия халықаралық университеті

Семинардың мақсаты – педагогтердің инклюзивті ағылшын тілін оқыту тәжірибесін жетілдіру, инклюзивті білім беруді терең түсіну және оны оқу үдерісіне тиімді енгізу жолдарын зерттеу. Семинарлар сондай-ақ көшбасшылық дағдыларды дамытуға, оқу бағдарламасын және студенттердің оқу тәжірибесін жақсартуға бағытталған.

Аталған семинарға М.Х. Дулати атындағы Тараз университетінің екі аға оқытушысы – Есенбаева Асель мен Елеусіз Айгүл қатысуда.

Бұл – халықаралық тәжірибе алмасуға, кәсіби дамуға және инклюзивті білім беру саласындағы жаңа көзқарастармен танысуға үлкен мүмкіндік.