М.Х. Дулати атындағы Тараз университеті  Халықаралық ынтымақтастық басқармасы (ХЫБ) университеттің құрылымдық бөлімшесі болып табылады және Басқарма мүшесі – стратегиялық даму және интернационалдандыру жөніндегі проректорға тікелей бағынады.

ХЫБ өз қызметінде Қазақстан Республикасының «Білім туралы» Заңын, жоғары және жоғары оқу орнынан кейінгі білім беру саласындағы уәкілетті органның нормативтік-құқықтық және өкімдік актілерін, Университет Жарғысын, сондай-ақ ректордың бұйрықтары мен өкімдерін басшылыққа алады.

ХЫБ қызметін қаржыландыру белгіленген тәртіпте және бөлінетін қаражаттың нысаналы сипатын ескере отырып жүзеге асырылады.

ХЫБ-тың негізгі міндеттері:

• білім алушылардың, профессор-оқытушылар құрамы мен университет қызметкерлерінің академиялық ұтқырлығын стратегиялық жоспарлау және әкімшілік-ұйымдастырушылық қамтамасыз ету жөніндегі қызметті басқару;
• студенттердің, магистранттардың, докторанттардың және оқытушылардың академиялық ұтқырлығын кеңейту мен нығайтуға бағытталған бірлескен халықаралық бағдарламалар мен жобаларды ұлттық және халықаралық ұйымдармен, қорлармен және бағдарламалармен өзара іс-қимыл негізінде іске асыруға қатысу;
• университеттің білім беру және ғылыми қызметтеріне шетел мемлекеттерінің, білім беру ұйымдарының және өзге де субъектілердің қажеттіліктерін талдау, сондай-ақ білім беру бағдарламаларын халықаралық деңгейде ілгерілету;
• жоғары білім беру саласындағы жаһандық үрдістерді ескере отырып, академиялық ұтқырлықты дамытудың перспективалық бағыттарын, нысандары мен тетіктерін айқындау;
• Қазақстан Республикасы мен шет елдердің жоғары оқу орындарының академиялық ұтқырлық құрылымдық бөлімшелерімен серіктестік қатынастарды дамыту және нығайту;
• академиялық ұтқырлық бағдарламаларын ғылыми-әдістемелік сүйемелдеу, халықаралық білім беру және ғылыми жобалар қатысушыларына ақпараттық-консультациялық қолдау көрсету;
• университеттің білім беру және ғылыми қызметтерінің халықаралық нарығында институционалдық өкілдігін қамтамасыз ету, университеттің оң имиджін қалыптастыру және жаһандық академиялық кеңістіктегі бәсекеге қабілеттілігін арттыру.

ХЫБ-тың негізгі функциялары:

• академиялық ұтқырлық бағдарламаларына қатысу үшін құжаттарды дайындау мәселелері бойынша кеңес беру;
• шетелдік серіктес жоғары оқу орындарының, халықаралық ұйымдардың және өкілдіктердің білім беру және ғылыми бағдарламаларының таныстырылымдарын ұйымдастыру және өткізу;
• академиялық ұтқырлық саласында мамандандырылған деректер базасын қалыптастыру және жүргізу үшін заманауи ақпараттық технологияларды енгізу және пайдалану;
• Қазақстан Республикасында және шетелде халықаралық ынтымақтастық пен академиялық ұтқырлықты дамытуға бағытталған ғылыми-білім беру семинарларын, мектептерді, конференцияларды, симпозиумдарды, конгрестерді, съездерді және көрмелерді ұйымдастыруға және өткізуге қатысу;
• халықаралық білім беру саласында ғылыми зерттеулер жүргізу, оның ішінде білім беру қызметтерінің халықаралық нарығын талдау және маркетинг;
• университет қызметкерлерінің халықаралық қызмет бағыттарын дамыту жөніндегі бастамаларын қолдау;
• академиялық ұтқырлық бағдарламалары аясында шетелдік жоғары оқу орындарында білім алу үшін білім алушыларды конкурстық іріктеуді ұйымдастыру;
• факультеттік және кафедралық ұтқырлық үйлестірушілерінің қызметін үйлестіру, құрылымдық бөлімшелерге әдістемелік және ұйымдастырушылық көмек көрсету;
• халықаралық бағдарламалар мен жобаларға қатысу үшін құжаттарды дайындау және рәсімдеуде құрылымдық бөлімшелерге жәрдемдесу;
• жоғары білім беру саласындағы уәкілетті орган үшін аналитикалық, статистикалық және ақпараттық есептер дайындау;
• шетелдік білім алушыларды қабылдауды ұйымдастыру және сүйемелдеу, оның ішінде визалық және ұйымдастырушылық қолдау көрсету;
• шетелдік білім алушылардың елдерінің дипломатиялық өкілдіктерімен өзара іс-қимылды дамыту;
• университетте академиялық ұтқырлықты дамыту бойынша іс-шараларды әзірлеу және іске асыру;
• университеттің ресми сайтындағы «Халықаралық ынтымақтастық басқармасы» бөлімінің жұмыс істеуін және ақпараттық толықтырылуын қамтамасыз ету;
• университет басшылығына арналған аналитикалық материалдар мен баяндамаларды тұрақты түрде дайындау;
• Университеттің даму стратегиясында көзделген міндеттерді орындау және іс-шараларды іске асыру.

Академиялық ұтқырлықты ұйымдастыру туралы ереже

Шетелдік ғалымдар мен профессорларды тарту және қабылдау тәртібі туралы ереже

Шетел білімгерлерімен жұмыс істеу ережесі

Дулати университетіндегі «TOEFL Authorised Test Centre» орталығының қызметі туралы ереже

Академиялық ұтқырлық

Академиялық ұтқырлық – бұл профессор-оқытушылар құрамы, зерттеушілер, докторанттар, магистранттар немесе студенттердің белгілі бір академиялық кезеңге (бір семестр немесе оқу жылы) басқа жоғары оқу орнында (ел ішінде немесе шетелде) білім алу немесе ғылыми-зерттеу жүргізу мақсатында уақытша ауысуы. Бұл ретте игерілген білім беру бағдарламалары кредит түрінде міндетті түрде өз университетінде қайта есептеледі немесе оқуын басқа ЖОО-да жалғастыруға мүмкіндік беріледі.

Дулати Университетінің білім алушылары және ПОҚ академиялық ұтқырлық бағдарламасы аясында Малайзия, Польша, Испания, Латвия, Литва, Индонезия, Түркия, Оңтүстік Корея, АҚШ, Италия, РФ, Қырғызстан, Өзбекстан, Болгария, Португалия  елдерімен және ішкі академиялық ұтқырлық бойынша Қазақстандық ЖОО білім алып, тәжірибе алмасады.

Білім алушылардың академиялық ұтқырлығы

Сыртқы академиялық ұтқырлық – докторанттардың (2–4 семестр), магистранттардың (2–3 семестр), студенттердің (3–6 семестр) шетелдік жоғары оқу орындарында білім алуы, сондай-ақ профессор-оқытушылар құрамының шетелдік білім беру немесе ғылыми ұйымдарында қызмет атқаруы.

Сыртқы академиялық ұтқырлық бағдарламасына қатыса алады:

• 2–4 семестрдегі докторанттар;
• 2–3 семестрдегі магистранттар;
• 3–6 семестрдегі студенттер.

Талаптар:

• Ағылшын тілін меңгеруі (Еуропа, АҚШ және Оңтүстік-Шығыс Азия елдеріндегі серіктес ЖОО-ларда оқу үшін қажет);
• Құжат тапсыру кезінде академиялық және қаржылық қарыздарының болмауы;
• Оқу үлгерімінің орташа балы (GPA) 3,30-дан төмен болмауы;
• Университеттің қоғамдық өміріне белсенді қатысуы.

Қажетті құжаттар тізімі:

1. Өтініш (Халықаралық ынтымақтастық орталығында толтырылады);
2. Үш тілдегі транскрипт (қаз., рус., ағыл.);
3. Факультет деканының атынан ұсыныс хат;
4. IELTS немесе TOEFL сертификаты (қажет болған жағдайда);
5. Грамоталар, дипломдар және сертификаттар (көшірмелері);
6. Шетелдік паспорт пен жеке куәліктің көшірмесі;
7. Арнайы санаттарға жататынын растайтын құжаттар (қажет болған жағдайда):
• жетім балалар және ата-анасының қамқорлығынсыз қалған балалар;
• бала кезінен мүгедектігі бар тұлғалар және мүгедек балалар;
• көпбалалы отбасыдан шыққан балалар;
8. Үш тілдегі түйіндеме (қаз., рус., ағыл.);
9. Куратордың мінездемесі;
10. Жоспарланған семестрге арналған жеке оқу жоспары;
11. 3×4 көлеміндегі 4 дана фото.

Ішкі академиялық ұтқырлық

Ішкі академиялық ұтқырлық – докторанттардың (2–4 семестр), магистранттардың (2–3 семестр), студенттердің (3–6 семестр, сондай-ақ отбасылық жағдайына және денсаулық жағдайына байланысты 2 және 7 семестр) Қазақстанның жетекші жоғары оқу орындарында білім алуы, сондай-ақ профессор-оқытушылар құрамының қызмет атқаруы.

Ұлттық академиялық ұтқырлық бағдарламасына қатыса алады:

• 2–4 семестрдегі докторанттар;
• 2–3 семестрдегі магистранттар;
• 3–6 семестрдегі студенттер;
• Отбасылық немесе денсаулық жағдайына байланысты 2 және 7 семестр студенттері.

Талаптар:

• Академиялық және қаржылық қарыздарының болмауы;
• GPA 3,0-ден төмен болмауы;
• Университеттің қоғамдық өміріне белсенді қатысуы.

Қажетті құжаттар:

1. Өтініш;
2. Транскрипт;
3. Деканның ұсыныс хаты;
4. Грамоталар мен сертификаттар (көшірмелері);
5. Жеке куәлік көшірмесі;
6. Куратор мінездемесі;
7. Жеке оқу жоспары;
8. 3×4 фото – 4 дана.

Құжаттарды Тараз қаласы, Сүлейменов көшесі 13, 301 кабинет мекенжайы бойынша Дулати университетінің Халықаралық ынтымақтастық басқармасына тапсыру қажет.

Университеттің профессор-оқытушылар құрамы мен қызметкерлерінің академиялық ұтқырлығының негізгі мақсаты – кәсіби, педагогикалық және ғылыми біліктілік деңгейін арттыру, зерттеушілік құзыреттерді дамыту, заманауи білім беру және ғылыми тәжірибелерді меңгеру.

Профессор-оқытушылар құрамының академиялық ұтқырлығын жүзеге асырудың басым түрі – серіктес жоғары оқу орындары мен басқа да ұйымдарға іссапарға жіберу. Іссапардың мақсаттары:

• дәрістер оқу, оқу сабақтарын өткізу және консультациялар жүргізу;
• бірлескен ғылыми-зерттеу жобалары мен бағдарламалары аясында ғылыми жұмыстарға қатысу;
• біліктілікті арттыру бағдарламаларына, оның ішінде жазғы және қысқы мектептерге қатысу;
• ғылыми және білім беру тағылымдамаларынан өту (соның ішінде зертханалық және эксперименттік зерттеулер).

 Профессор-оқытушылар құрамының академиялық ұтқырлығына қатысу үшін қажетті құжаттар:

• Өтініш;
• Келісім.

Өтініш берушілер үшін құжатар тізімі

Шетелдік азаматтар М.Х. Дулати атындағы Тараз университетіне университеттің қабылдау комиссиясы өткізетін әңгімелесу нәтижелері негізінде ақылы түрде оқуға қабылданады.

- орта кәсіптік немесе жоғары білім беру мекемесін бітіргені туралы куәлік немесе дипломның нотариалды куәландырылған көшірмесі, қазақ немесе орыс тіліне аударылған, және түпнұсқасы;

- төлқұжаттың нотариалды куәландырылған көшірмесі, қазақ немесе орыс тіліне аударылған;

- 6 фотосурет, 3х4 см өлшемді;

- тіркеу куәлігі;

- медициналық куәлік;

- өтініш формасы, Дулати университетінде толтырылған.

М.Х. Дулати атындағы Тараз университетіне шетелдік азаматтарды ақылы негізде қабылдау университеттің қабылдау комиссиясы өткізетін сұхбат нәтижелеріне сүйене отырып жүзеге асырылады.

Шетел азаматтарына арналған жадынама	жүктеп  алу
Бейімдеу бағдарламасы	жүктеп алу
Шетелдік студенттерге арналған оқу ақысы	бакалавр жүктеп алу                  магистратура жүктеп алу  докторантура жүктеп алу

Дулати университетінде оқытушылық қызметке шетелдік профессорлар мен ғалымдарды тарту және бірлескен ғылыми-зерттеу жұмыстарын жүргізу бағдарламалары табысты жүзеге асырылуда.  Шетелдік ғалымдар ҚР ҒЖБМ «Шетелдік ғалымдарды тарту» мемлекеттік бағдарламасы және басқа да түрлі ғылыми және білім жобалары, халықаралық бағдарламалар аясында (Эразмус +, Fulbright , DAAD, WFK PAS, SЕS) есебінен шақырылады.

Шетелдік мамандарды тарту халықаралық ғылыми ынтымақтастықты дамытуға, озық тәжірибелермен алмасуға, бірлескен жобаларды жүзеге асыруға, университеттегі оқу процесінің сапасын жақсартуға ықпал етеді.

Тест туралы

  TOEFL AUTHORISED TEST CENTRE

 TOEFL дегеніміз не?

TOEFL (Test of English as a Foreign Language) – бұл ағылшын тілін шетел тілі ретінде меңгеру деңгейін анықтайтын халықаралық емтихан. TOEFL тестін Educational Testing Service (ETS)  ұйымы әзірлеген ол ұйым Нью-Джерсиде Принстон университетінде (АҚШ) орналасқан.

TOEFL ITP (Institutional Testing Program) – 14 жастан асқан талапкерлерге, магистранттарға, докторанттарға, орта мектеп мұғалімдеріне, ЖОО оқытушыларына, әртүрлі сала қызметкерлеріне арналған халықаралық ағылшын тілі тесті. Бұл тест ағылшын тілін ана тілі болып табылмайтын адамдардың білім деңгейін академиялық және әлеуметтік мазмұн негізінде бағалауға арналған.

• Тесттер цифрлық форматта өткізіледі.
• Тест нәтижелесін тест аяқталғаннан кейін бірден көруге болады.
• Сертификат (B1 деңгейінен бастап) тест тапсырғаннан кейін 15-20 күн ішінде (сұраныс бойынша) беріледі.
• TOEFL сертификатының жарамдылық мерзімі – екі жыл.

 TOEFL ITP сертификатын қайда қабылдайды?

• 50-ден астам елдегі 2500-ден астам оқу орны TOEFL ITP тесттерін қолданады, олардың ішінде:
• Колледждер мен университеттер
• Орта мектептер
• Ағылшын тілін оқыту бағдарламалары мен мектептері
• Мемлекеттік мекемелер

 TOEFL ITP тесттері келесі мақсаттарда қолданылады:

• Ағылшын тілін оқытудың қарқынды бағдарламаларына түсу – колледждер мен университеттер жанындағы әртүрлі деңгейдегі тілдік курстарға қабылдау үшін.
• Ағылшын тілі бағдарламаларының бітіру емтиханы ретінде – әсіресе академиялық ағылшын тіліне бағытталған курстарда.
• Қысқа мерзімді оқу бағдарламалары мен тағылымдамаларға қатысу – ағылшын тілі қолданылатын оқу орындарында.
• Жоғары оқу орындарына түсу – бакалавриат, магистратура және докторантура бағдарламаларына қабылдау үшін.
• Халықаралық алмасу және академиялық ұтқырлық бағдарламаларына қатысу – ағылшын тілі негізгі тіл ретінде қолданылатын бағдарламаларға қатысу үшін.
• Стипендиялық бағдарламаларға қатысу – академиялық ағылшын тілі деңгейін растау үшін.

 Тест құрылымы

TOEFL ITP тесті 3 бөлімнен тұрады:

• Listening Comprehension (Тыңдалым дағдысы) – ағылшын тілін түсіну қабілетін бағалайды.
• Structure and Written Expression (Грамматика және жазу дағдысы) – ағылшын тіліндегі грамматикалық құрылымдарды түсіну қабілетін бағалайды.
• Reading Comprehension (Оқылым дағдысы) – оқу және түсіну қабілетін бағалайды.

Level 1 (intermediate - advanced): Ұзақтығы – 115 минут

Тест құны

Төлем үшін реквизиттер

Алушы:  "М.Х. Дулати атындағы Тараз университеті" КЕ АҚ

БСН: 240940026321

Банк: "Банк ЦентрКредит" АҚ

ИИК: KZ668562203140753935

БИК:  KCJBKZKX

Төлемнің мақсаты: TOEFL тестілеу және/немесе сертификат үшін төлем

Ескертпелер

1. Тестілеуге төленген қаражат қатысушы келмеген жағдайда қайтарылмайды.
2. Сертификат тек шекті бал жинаған жағдайда беріледі.
3. Тестілеуге төлем жасаған қатысушылар төлем құжатының көшірмесін ұсыну арқылы төлемді растауы қажет.
4. Тестілеу мен сертификат алу мерзімі қосымша хабарланады.

Жоғары білім беруді басқарудың бірыңғай жүйесі деректерінің негізінде университетте келесідей келісім-шарттар бар

Фулбрайт бағдарламасы — 1946 жылы құрылған халықаралық академиялық алмасу бағдарламасы. Оның басты мақсаты — АҚШ халқы мен басқа елдердің халықтары арасындағы өзара түсіністікті арттыру және достық әрі бейбіт қарым-қатынастарды қолдау.

Бұл бағдарлама АҚШ Мемлекеттік департаменті тарапынан қаржыландырылады және АҚШ азаматтары мен басқа елдердің азаматтары арасындағы мәдени‑академиялық байланыстарды нығайту мақсатында жүзеге асырылады.

М.Х. Дулати атындағы Тараз университетінде Fulbright бағдарламасының ассистенттері жыл сайын бір оқу жылы бойы жұмыс істейді, студенттердің тілдік дайындығын жетілдіруге, ағылшын тілін оқытудың әдістемесін дамытуға және халықаралық академиялық ынтымақтастықты нығайтуға елеулі үлес қосады.

Тынық мұхиттық Азия қоғамы (PAS) 1994 жылғы 12 шілдеде елдердің мүдделерін ілгерілету, мәдени алмасуды дамыту мақсатында құрылған халықаралық ұйым болып табылады. PAS бағдарламасының негізгі мақсаты — елдер арасындағы өзара дамуды, достықты және ынтымақтастықты нығайту.

Корея Республикасы тарапынан PAS бағдарламасының қатысушылары Дулати Университетіне жыл сайын келіп, университет базасында жазғы және қысқы мектептерді ұйымдастырады.  Сонымен қатар спорттық жарыстар, корей, қазақ және орыс тілдеріндегі лекциялар, мәдени шаралар мен экскурсиялар ұйымдастырылады.

Бағдарламаның тұрақты түрде жүзеге асырылуы университет пен халықаралық серіктестер арасындағы академиялық байланыстарды күшейтеді, студенттер мен оқытушылардың тілдік және мәдени дағдыларын арттырады.

Аға сарапшылар қызметі (SES Program) — Германиядан шыққан қоғамдық-пайдалы коммерциялық емес ұйым болып табылады. Ол серіктес елдерге кәсіби консультациялық көмек көрсету мақсатында құрылған. Бағдарламаның қызметі Германия Федеративтік Республикасының мемлекеттік бюджеті есебінен қаржыландырылады.

SES бағдарламасы көпжылдық кәсіби тәжірибесі бар жоғары білікті мамандар мен сарапшыларды біріктіреді. Олар шетелдік ұйымдарға консультациялық қолдау көрсету, практикалық білім беру, сондай-ақ заманауи технологиялар мен басқару шешімдерін енгізу мақсатында жіберіледі.

Дулати университеті SES сарапшыларын консультациялар, дәрістер, семинарлар және практикалық тренингтер өткізу үшін тұрақты негізде шақырады. Неміс мамандарының қатысуы білім беру үдерісінің сапасын арттыруға, оқытушылар мен студенттердің кәсіби құзыреттерін дамытуға, сондай-ақ университеттің оқу және ғылыми қызметіне халықаралық тәжірибені енгізуге ықпал етеді.

SES бағдарламасымен ынтымақтастық білім беру бағдарламаларын жаңғыртуға және халықаралық академиялық әріптестікті нығайтуға елеулі қолдау көрсетеді.

Erasmus+ – Еуропалық Одақтың (ЕО) білім, кәсіби дайындық, жастар саясаты және спорт салаларына қолдау көрсету бойынша 1987 жылы ашылған бағдарламасы. 2021-2027 жж. Erasmus+ бағдарламасы әлеуметтік интеграцияға, экологиялық және цифрлық трансформацияға және жастардың демократиялық өмірге араласуын ынталандыруға аса көңіл бөледі. Бағдарлама ЕО пен әлемнің басқа елдері арасындағы ынтымақтастықты күшейтуді жалғастырмақ.   

Бағдарлама атауы Еуропаның түрлі университетінде сабақ беру мен оқу мақсатында саяхаттаған, Қайта өркендеу дәуірінің көрнекті голланд ғалымы философы, дәріскері Эразм Роттердамский есімінен шыққан. Сондай-ақ, Erasmus сөзі – университет студенттерінің ұтқырлығын арттыруға бағытталған еуропалық қауымдастықтың әрекет үлгісі дегенді білдіретін бэкроним (ағылш. European Region Action Scheme for the Mobility of University Students).

Бағдарламаның жалпы мақсаты

Еуропадағы және одан да тыс адамдардың үздіксіз білім алуы арқылы олардың білім, мамандарды даярлау, жастар және спорт салаларындағы кәсіби және тұлғалық дамуына қолдау көрсету, осылайша тұрақты дамуға, сапалы жұмыс орындарын құруға, әлеуметтік ауызбірлікті қамтамасыз етуге, инновацияларды ынталандыруға, еуропалық сәйкестік пен белсенді азаматтық ұстанымға жағдай жасау.

Негізгі әрекет 1 – Халықаралық кредиттік ұтқырлық

Негізгі әрекет 2 – Инновацияларға ынтымақтастық және тәжірибе алмасу

DAAD (Неміс академиялық алмасу қызметі) халықаралық академиялық ынтымақтастықты қолдайтын әлемдегі ең ірі ұйым болып табылады. DAAD негізінен Германия Федеративтік Республикасының Үкіметі тарапынан қаржыландырылады және студенттердің, оқытушылар мен зерттеушілердің халықаралық академиялық ұтқырлығын дамыту мақсатында Германияның жоғары оқу орындарын біріктіреді.

DAAD бағдарламасы оқу, ғылыми зерттеулер жүргізу, тағылымдамадан өту және біліктілікті арттыру үшін гранттар ұсынады, сондай-ақ әртүрлі елдердің университеттері арасындағы бірлескен білім беру және ғылыми жобаларды қолдайды. Бағдарламаның негізгі мақсаты — халықаралық академиялық ынтымақтастықты дамыту, ғылыми байланыстарды нығайту және Германияның жоғары білім беру жүйесін халықаралық деңгейде ілгерілету.

Дулати университеті академиялық ұтқырлық және ғылыми өзара іс-қимыл аясында Германияның жоғары оқу орындарымен белсенді ынтымақтастық орнатқан. Университеттің оқытушылары мен қызметкерлері гранттық бағдарламаларға қатысып, Германия университеттерінде ғылыми тағылымдамалардан өтіп, біліктілігін арттыруда.

Сонымен қатар, Германия университеттерінің өкілдері мен сарапшылары Дулати университетіне дәрістер, семинарлар және консультациялар өткізу мақсатында келіп тұрады. Бұл тәжірибе алмасуға және білім беру үдерісіне еуропалық стандарттарды енгізуге ықпал етеді.

Тұрақты академиялық сапарлар, студенттер мен оқытушылар алмасуы, сондай-ақ бірлескен жобаларға қатысу университеттің халықаралық байланыстарын нығайтып, ғылыми зерттеулер деңгейін арттыруға және білім беру қызметін интернационалдандыруға мүмкіндік береді.

Шанхай ынтымақтастық ұйымының университеті (ШЫҰ Университеті) желілік университет болып табылады. ШЫҰ-ға мүше мемлекеттердің білім министрлерінің 2008 жылы Астанада өткен отырысында ШЫҰ университетінің тұжырымдамасының жалпы мазмұнын айқындайтын бірқатар құжаттарға қол қойылды.

Университеттің негізгі миссиясы Шанхай Ынтымақтастық Ұйымына мүше мемлекеттердің экономикалық және әлеуметтік даму бағдарламасында басым қызығушылық танытатын мамандықтар бойынша келісілген инновациялық білім беру бағдарламалары негізінде жоғары білікті кадрларды бірлесіп даярлауды жүзеге асыру болып табылады:

ШЫҰ университетінде оқытудың негізгі тілдері ШЫҰ-ның ресми тілдері – орыс және қытай тілдері, сонымен қатар оқытатын елдің мемлекеттік тілі болып табылады.УШОС бес мемлекеттің 75 университетімен ұсынылған: Ресей, Қытай, Қазақстан, Қырғызстан және Тәжікстан. Сондай-ақ бақылаушы елдер – Моңғолия, Үндістан, Иран және Пәкістанмен өзара іс-шаралар жүргізілуде.

Жоба әртүрлі елдердің студенттерінің өзара білім алмасуы мен академиялық ұтқырлығына, қатысушы елдер таңдаған бағыттар бойынша білім деңгейін көтеруге бағытталған.

Университеттерді іріктеу процесі қатысушы елдердің білім министрліктері өткізген ашық конкурс аясында жүргізіледі.

Дулати Университеті 2012 жылдан бастап IT-технология және экология салаларындағы Шанхай ынтымақтастық ұйымының желілік университетінің бас университеттерінің мүшесі болды.

ШЫҰ университеттері Ректорларының Үйлестіру Кеңесінің Төрағасы болып Патрис Лумумба атындағы Ресей халықтар достығы университетінің ректоры В.Филиппов сайланды.

Қосымша ақпарат алу үшін сілтемеге өтіңіз: http://uni-sco.com/

ШЫҰУ бойынша серіктес ЖОО

Ғылыми тағылымдамалар «Болашақ»

Ғалымдарға арналған тағылымдама ғылыми, ғылыми-техникалық кадрлардың біліктілігін ЖОО-ларда, ғылыми орталықтар мен салалық ұйымдарда арттыруға бағытталған.

Ғылыми тағылымдамалар туралы

Президент Қасым-Жомарт Тоқаев «Қазақстан Жаңа нақты ахуалда: іс – қимыл уақыты» атты Қазақстан халқына Жолдауында озық ғылыми технологияларды трансферттеу мақсатында жыл сайын 500 ғалымның әлемнің жетекші ғылыми орталықтарында тағылымдамадан өтуін қамтамасыз етуді тапсырды.

Ғалымдар үшін тағылымдама жетекші шетелдік жоғары және жоғары оқу орнынан кейінгі білім беру ұйымдарында, ғылыми орталықтар мен салалық ұйымдарда ғылыми, ғылыми-техникалық кадрлардың біліктілігін арттыруға бағытталған.

Ғылыми тағылымдамалар бағдарламасының мемлекеттік тапсырысшысы Қазақстан Республикасының Ғылым және жоғары білім министрлігі болып табылады.

«Халықаралық бағдарламалар орталығы» акционерлік қоғамы бағдарламаның әкімшісі болып табылады. Үміткерлерді іріктеуді ұйымдастыру және өткізу, ғылыми тағылымдама бағдарламасының орындалуын және конкурс жеңімпаздарының еңбекпен өтеуді жүзеге асыруын бақылау бойынша іс-шаралар кешенін іске асырады.

Ғылыми тағылымдама жетекші шетелдік жоғары, жоғары оқу орнынан кейінгі білім беру ұйымдарының, ғылыми орталықтарының және ғылми тағылымдамадан өтуге ұсынылатын өзге де ұйымдарының тізіміне кіретін шетелдік ұйымдарда ғылыми зерттеулердің басым бағыттарының тізіміне сәйкес жүргізілетін ғылыми зерттеудің аясында 3 айдан 12 айға дейінгі мерзімде жүзеге асырылады.

Ғылыми тағылымдаманы ұйымдастыру жөніндегі іс-шараларды жүзеге асыру республикалық бюджет қаражаты есебінен жүзеге асырылады және мынадай шығындарды өтеуді қамтиды:

• визаны рәсімдеу, ұзарту (консулдық алым);
• ғылыми тағылымдамадан өту;
• ғылыми тағылымдамадан өтуші елдің, жетекші шетелдік жоғары, жоғары оқу орнынан кейінгі білім беру ұйымдарының, ғылыми орталықтардың және конкурс жеңімпазының ғылыми тағылымдамадан өтуін жүзеге асыратын басқа да ұйымдардың тапсырысы бойынша міндетті қызметтер;
• тұру, тамақтану және ғылыми әдебиеттер сатып алу;
• міндетті медициналық тексеруден өту;
• медициналық сақтандыру;
• ғылыми тағылымдамалар тағайындалғаннан кейін Қазақстан Республикасындағы тұрғылықты жерінен ғылыми тағылымдамадан өту орнына дейін және кері қайтуға жол ақысы;
• ғылыми тағылымдамадан өту бойынша қызметтер көрсетуге арналған шарттар бойынша олардың міндеттемелерін орындауға байланысты шетелдік әріптестердің шығыстары.

«Ғылыми тағылымдамалар» бағдарламасы бойынша толық мағлұматты, сонымен қатар халақаралық стипендияны тағайындауға қажетті құжаттардың тізімін  https://bolashak.gov.kz/ru/o-nauchnyh-stazhirovkah-po-ns сайтынан білуге болады.

Ғылыми тағылымдамадан өтуге үміткерлерге қойылатын талаптар

1) ғылым докторы, ғылым кандидаты ғылыми дәрежесінің, философия докторы (РhD), бейіні бойынша доктор, магистр дәрежесінің болуы;

2) заңды тұлға болып табылатын аккредиттелген ғылыми және (немесе) ғылыми-техникалық қызмет субъектілерінде ғылыми зерттеу бойынша таңдаған мамандану саласында соңғы 12 (он екі) ай үзіліссіз жұмыс өтілінің болуы;

3) жүргізілетін ғылыми зерттеуге сәйкес ғылыми тағылымдамаға үміткерді қабылдайтын, Тізімге кіретін шетелдік ұйымның шартсыз шақыруының болуы;

4) жұмыс органы белгілеген талаптарға сәйкес деңгейде мемлекеттік және шет тілдерін білуі; 

5) Web of Science (Веб оф сайнс), Scopus (Скопус) халықаралық дерекқорларында индекстелетін кемінде бір мақаласы немесе шолуы немесе "Ғылыми қызметтің нәтижелерін жариялау үшін ұсынылатын басылымдар тізбесіне қосу үшін ғылыми басылымдарға қойылатын талаптарды бекіту туралы" Қазақстан Республикасы Білім және ғылым министрінің 2016 жылғы 12 қаңтардағы № 20 бұйрығымен (Нормативтік құқықтық актілерді мемлекеттік тіркеу тізілімінде № 13409 болып тіркелген) (бұдан әрі - бұйрық) бекітілген Ғылыми басылымдар тізбесінің 1-тізіміне немесе 2-тізіміне енгізілген отандық немесе шетелдік ғылыми басылымдарда кемінде 1 мақаласы және (немесе) Derwent Innovations Index (Дервент иновейшн индекс) халықаралық өтінімі бар;

Scopus (Скопус) және (немесе) Web of Science (Веб оф сайнс) дерекқорларында халықаралық рецензияланатын ғылыми журналдың индекстелуі бұзушылыққа байланысты тоқтаған кезде үміткердің осы журналдағы барлық мақалалары ескерілмейді;

6) Қазақстан Республикасы Әлеуметтік кодексінің 207-бабының талаптарын ескере отырып, ғылыми зерттеудің таңдалған бағыты бойынша ғылыми тағылымдамадан өтудің және кейіннен еңбекпен өтеудің жиынтық мерзімдері бар ғылыми қызметкер болып табылады.

Қажетті құжаттар

• жұмыс органы бекітетін нысан бойынша ғылыми тағылымдамадан өтуге арналған конкурсқа қатысу үшін толтырылған үміткер анкетасы;
• жұмыс органы бекітетін нысан бойынша жұмыс орнының сақталуы шартымен жұмыс берушінің ғылыми тағылымдамадан өтуге арналған өтінімі;
• паспорты мен жеке куәлігінің түпнұсқалары және көшірмелері (түпнұсқалары салыстырып тексерілгеннен кейін үміткерге қайтарылады);
• ғылым докторы, ғылым кандидаты ғылыми дәрежесінің, философия докторы (РhD), бейіні бойынша доктор, магистр (қосымшасымен) дәрежесінің болуы туралы құжаттың түпнұсқасы және көшірмесі (түпнұсқалары салыстырып тексерілгеннен кейін үміткерге қайтарылады);
• Шетелдік білім беру ұйымында оқыған жағдайда білімі туралы құжатты тану туралы куәлігі не "Білім туралы" Қазақстан Республикасы Заңының 39-бабының 8-тармағында белгіленген ерекшеліктер ескеріліп білімі туралы құжатты тану туралы өзге де құжаты;
• жұмыс органы белгілейтін талаптарға сәйкес жасалып, жұмыс беруші бекітетін және тізімге кіретін тағылымдамаға қабылдайтын шетелдік ұйыммен келісілген ғылыми тағылымдамадан өту бағдарламасы. Құжат қазақ немесе орыс тіліне нотариалды куәландырылған аудармасымен ұсынылады;
• еңбек қызметін растайтын құжаттардың түпнұсқалары мен көшірмелері, сондай-ақ осы Қағидаларға сәйкес талап етілетін еңбек қызметі кезеңінде аударылған міндетті зейнетақы жарналары туралы үзінді (түпнұсқалары салыстырып тексерілгеннен кейін үміткерге қайтарылады);
• нәтижесі белгіленген ең төменгі талаптарға сәйкес келетін қазақ тілі бойынша емтихан тапсырғаны туралы белгіленген нысандағы жарамды ресми сертификаттың түпнұсқасы және көшірмесі (түпнұсқасы салыстырып тексерілгеннен кейін үміткерге қайтарылады);
• нәтижесі белгіленген ең төменгі талаптарға сәйкес келетін шет тілі бойынша емтихан тапсырғаны туралы белгіленген нысандағы жарамды ресми сертификаттың түпнұсқасы және көшірмесі (түпнұсқасы салыстырып тексерілгеннен кейін үміткерге қайтарылады);
• шетелге шығатындар үшін 072/у нысандағы медициналық анықтама;
• үміткерді тағылымдамаға қабылдайтын шетелдік ұйымның шартсыз шақыруын (қаржылық шарттарды қоспағанда) растайтын, жүргізілетін ғылыми зерттеу бағыты, ғылыми тағылымдамадан өту мерзімі, құны (есеп-қисабын толық көрсетіп) көрсетілген, қазақ немесе орыс тіліне нотариалды куәландырылған аудармасы бар құжаттың көшірмелері;
• ғылыми нәтижелердің тізімі (Web of Science (Веб оф сайнс), Scopus (Скопус) халықаралық дерекқорларында индекстелетін кемінде бір мақаласы немесе шолуы) немесе бұйрықпен бекітілген және (немесе) Ғылыми басылымдар тізбесінің 1-тізіміне немесе 2-тізіміне енгізілген отандық немесе шетелдік ғылыми басылымдарда кемінде 1 мақаласы және (немесе) жұмыс беруші бекітетін Derwent Innovations Index (Дервент иновейшн индекс) халықаралық өтінімі;
• ғылым саласындағы уәкілетті орган берген аккредиттеу туралы жарамды ресми куәліктің көшірмесі;
• құжаттарды үшінші тұлға тапсырған жағдайда – конкурстық іріктеуге қатысуға құжат тапсыру үшін өкілдің атына берілген үміткерден нотариалды куәландырылған сенімхат.