16–27 маусым аралығында университетімізде нысаналы қаржыландыру бағдарламасы (ПЦФ) шеңберінде «Бір ауыл – бір өнім» жобасының қатысушылары мен жеңімпаздары үшін кәсіби құзыреттілікті арттыруға бағытталған біліктілік курсы табысты өткізілді. Іс-шараны Ғылым және коммерцияландыру департаменті ұйымдастырды.

Халықаралық нашақорлыққа қарсы күрес күніне орай Тараз қаласындағы Қ.Рысқұлбеков атындағы саябақта есірткіге қарсы айлықтың жабылу рәсімі өтті. Шараға қала тұрғындары, жастар, полиция қызметкерлері мен еріктілер қатысты.

16–27 маусым аралығында университет қабырғасында «Текстиль және аяқ киім: бірегей бұйымдар жасаудың өнері» атты 72 академиялық сағатты қамтитын біліктілікті арттыру курсы ұйымдастырылды.

Университет қабырғасында Басқарма Төрағасы – Ректор Мұхтар Қазбекұлы Қазақстан Республикасының жоғары оқу орындары арасындағы XIII жазғы Универсиадада топ жарған спортшылар мен жаттықтырушыларға марапаттарын табыстады.

Университет қабырғасында Басқарма Төрағасы – Ректор Мұхтар Байжұмановтың қатысуымен халықаралық сарапшылармен ынтымақтастықты нығайтуға бағытталған кездесу өтті.

Университет қабырғасында «Қазақстан мен АҚШ арасындағы су ресурстарын басқарудағы инновациялық шешімдер: академиялық, ғылыми және коммерциялық тәсілдер» тақырыбында халықаралық ғылыми семинар ұйымдастырылды.

Тарихта алғаш рет М.Х.Дулати атындағы Тараз университеті әлемдегі ең ықпалды рейтингтердің бірі — Times Higher Education (THE) Impact Rankings 2025-ке кірді, ол университеттердің БҰҰ-ның Тұрақты даму мақсаттарына (Sustainable Development Goals, SDGs) қол жеткізуге қосқан үлесін бағалайды.

Университет қабырғасында Ғылым және коммерцияландыру департаментінің бастамасымен бағдарламалық-нысаналы қаржыландыру (ПЦФ) аясында өңір кәсіпкерлеріне арналған оқу курстары ұйымдастырылды.