2014 жылы Т. К. Касенова М. Х. Дулати атындағы Тараз мемлекеттік университетінің «Жалпы физика» кафедрасында оқытушы болып қызмет атқарды.

2018–2021 жылдары Л. Н. Гумилёв атындағы Еуразия ұлттық университетінде «Жалпы және теориялық физика» мамандығы бойынша докторантурада білім алды.

2021 жылғы қыркүйек айынан бастап М. Х. Дулати атындағы Тараз өңірлік университетінің «Техникалық физика» кафедрасында аға оқытушы қызметін атқарды.

2022–2024 жылдары М. Х. Дулати атындағы Тараз өңірлік университетінде постдокторант болды.

2023 жылғы қыркүйек айынан бастап М. Х. Дулати атындағы Тараз өңірлік университетінің «Қолданбалы математика және физика» кафедрасының қауымдастырылған профессорының міндетін атқарушы.

Қазақстан Республикасы Ғылым және жоғары білім министрлігі жанындағы Диссертациялық кеңестің 2023 жылғы 29 наурыздағы шешімі және Басқарма Төрағасы – Ректордың бұйрығы негізінде «6D060400 – Физика» білім беру бағдарламасы бойынша философия докторы (PhD) ғылыми дәрежесі берілді.

Т. К. Касенова — Қазақстан Республикасындағы түйіндер теориясы саласындағы алғашқы маман. Ол теориялық физика саласында, атап айтқанда түйіндер теориясы мен статистикалық физика бағытында белсенді ғылыми-зерттеу жұмыстарымен айналысады.

Ғылыми-зерттеу тақырыбы «Түйіндер теориясының статистикалық механика модельдерімен байланысын зерттеу» өзекті әрі маңызды мәселеге арналған. Аталған зерттеу кванттық физиканың математикалық аппараты негізінде түйін инварианттары мен статистикалық қосынды арасындағы өзара байланысты зерделеуге мүмкіндік береді. Бұл өз кезегінде түйіндер теориясындағы полиномдық инварианттарды, олардың құрылымын, топологиядағы маңызын, сондай-ақ математикалық физикамен байланысын талдауға жол ашады.

https://orcid.org/0000-0002-3158-8711

Білімі

• 2006–2010 жж. — «6B060400 – Физика» мамандығы бойынша бакалавриат, ТарМПИ;
• 2012–2014 жж. — «Ақпараттық жүйелер» мамандығы бойынша магистратура, М. Х. Дулати атындағы ТарМУ;
• 2018–2021 жж. — «6D060400 – Физика» мамандығы бойынша докторантура, Л. Н. Гумилёв атындағы ЕҰУ.

1. Kassenova T., Tsyba P., Razina O., Myrzakulov R. Three-partite vertex model and knot invariants // Physica A: Statistical Mechanics and its Applications. – 2022. – Vol. 597. – Article number 127283. DOI: 10.1016/j.physa.2022.127283. [IF = 3.3, Q1, процентиль = 93].

2. Kassenova, T. Quantum solution of the relationship between the 19-vertex model and the Jones polynomial. 12th International Conference on Mathematical Modeling in Physical Sciences. Journal of Physics: Conference Series, IOP Publishing. – 2024. – Vol. 2701, №1. – P. 012127.

DOI: 10.1088/1742-6596/1607/1/012127. [Процентиль=25, CiteScore=1.2].

3. Kassenova, T., Tsyba, P., Razina, O. Investigation of Partition Function Transformation for the Potts Model into a Dichromatic Knot Polynomial. Symmetry. – 2024. – Vol. 16, №7. – P. 842. DOI: 10.3390/sym16070842. [IF = 5.7, Q2, процентиль = 80, CiteScore = 7.1].

4. 8th International Conference on Mathematical Modeling in Physical Science Journal of Physics: Conference Series 1391 (2019) 012035. Slovakia, Bratislava. IOP Publishing doi:10.1088/1742-6596/1391/1/0120351

https://orcid.org/0000-0002-3158-8711

5. Eurasian Physical Technical Journal. – 2022. – Vol. 19. – № 1(39). – P. 119-126. DOI 10.31489/2022No1/119-126]

https://orcid.org/0000-0002-3158-8711   

«ЖОО-ның үздік оқытушысы – 2022» республикалық конкурсының жеңімпазы. Ізденушінің наукометриялық көрсеткіштері:
— Web of Science дерекқоры бойынша: H-index = 1;
— Scopus дерекқоры бойынша: H-index = 2.

Т.Касенованың еңбектері төмендегі жетекші халықаралық ғылыми журналдарда дәйексөзделген: Nuclear Physics D (авторлар: V. Belavin — РФ, D. Gepner — Израиль, H. Wenzl — АҚШ) және Journal of Knot Theory and Its Ramifications (авторлар: M. Elhamdadi, D. Swain — АҚШ).

Academic IELTS сертификатын 5.0 баллмен алған (алу күні — 02.11.2020 ж.).

Калифорния мемлекеттік университетінде (Фресно қ., АҚШ) қашықтан ғылыми-зерттеу тағылымдамасынан өткен.
Тағылымдамадан өту кезеңі: 20.11.2020 – 17.02.2021 жж.

Web of Science (Percentile 93, Quartile Q1, Impact Factor 3.3, Corresponding author) және Scopus (Percentile 80, Quartile Q1, Impact Factor 5.7, Statistical and Nonlinear Physics санаты, CiteScore 7.5) дерекқорларына кіретін, импакт-факторы жоғары шетелдік журналдарда 2 мақала жарияланған;

ҚР Ғылым және жоғары білім министрлігінің Білім және ғылым саласындағы сапаны қамтамасыз ету комитеті ұсынған мерзімді басылымдарда 3 мақала, оның ішінде Web of Science және Scopus дерекқорларына кіретін, дәйексөзделетін журналда жарияланған 1 мақала (Corresponding author);

Web of Science және Scopus дерекқорларына кіретін шетелдік халықаралық конференциялар материалдарында 2 мақала (жеке автор, Corresponding author);

Халықаралық конференциялар материалдарында 3 мақала және 1 тезис (Corresponding author).